tabkhe.com tabkhe.com
random

آخر الأخبار

random
جاري التحميل ...

القريوش وأنواعه وأسراره

القريوش وأنواعه وأسراره

نصائح مهمة: 
* حلي العجينة بالمايزينة ( نشاء الذرة).
* متخليش العجينة معرضة الهواء تنشف وماتتنفخش اثناء القلي وتتكسر..، يعني تشكلي 4-5 حبات أقليهم مباشرة.
* الاحسن تستعملي زبدة التوريق وطبعا ذايبة وضيفي نص كأس سمن في كمية كيلو فرينة( دقيق ابيض).
* خلي العجينة ترتاح اكثر من ساعتين.
* نضيف ملعقة صغيرة خميرة الخبز في 1 كغ فرينة رح تجي توب.
* الزيت يكون ساخن غير تحطي الحبات نقصي نار طول ، وصبي عليهم الزيت يتنفخو ..
* تكسب اللون خفيف فقط العسيلة مباعد ترجع لونها ذهبي.. 
خليها تبرد وعسليها بعسيلة دافية
* متعسليهاش بعسل خفيف ردي بالك 24 ساعة ترجع كأنها مشمخة 
*أنا ضد فكرة لي يزيدو ملونات غذائية أو منكهات في العجينة ، كي تتقلى في الزيت رح يتبدل الطعم ، ومع مرور يومين تريح يعني تشمو ريحة القليان مع ريحة عفن قوية..
* طبعا نستعمل الالة في حل العجينة تسهل عليا طول العمل.
* بالنسبة للقراوش لي يجو فوق بعض ورولي لصقيهم ببياض البيض

الوصفة المعتمدة والتي مستحيل نستغنى عليها :

1 كغ فرينة + 250 غ زبدة توريق ذايبة+ نصف كاس سمن ذايب نبسس مليح الفرينة ونغربلها ، نضيف بيضة + 2 مغارف خل ابيض + فاني + ملعقة صغيرة خميرة الخبز + باكي خميرة + رشة ملح .. ونعجن بالماء وماء زهر.
ترتاح ونبدا العمل .
* في الصور أكثر من 20 نوع .. شوفوهم بالمراحل.








عن الكاتب

Bbl

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

tabkhe.com